Hope Poem by Nadia umber Lodhi

Tim tahrozera
maiñ aatī huuñ
sūraj se nuur kī kirneñ le kar
kisī ma.asūm tifl ke laboñ se hañsī le kar
kisī ḳhushbū bhare jañgal se
titliyāñ pakaḌ kar laatī huuñ
tum Thahro
maiñ aatī huuñ
shaam ke Dhalte manzar-nāme se
maiñ to jugnū pakaḌne
hamesha tanhā hī jaatī huuñ
raat aa.e to mat Darnā
sitāroñ se raste pūchh kar
tum ko batātī huuñ
ḳhvāb bharī un āñkhoñ ke vāste
niiñd bhī laatī huuñ
tum Thahro
maiñ aatī huuñ