ଫୁଲ ଫୁଟୁଛେ କେନ୍ତାhow The Flower Is Blossoming Poem by Gajanan Mishra

ଲେଖୁଛେଁ,
ଲେଖୁଥିମି,
କିଏ କାଣା ଭାବଲା,
କିଏ କାଣା କହେଲା,
କିଏ କାଣା କଲା,
ଖାତିର ନେଇଁ।

ମୁଇଁ ମୋର ଅଛେଁ,
ଥିଲିଁ, ଥିମି,
କିଏ ଗଲା, ଆଏଲା,
ରହେଲା,
ହିସାବ ନେଇଁ।

ମୋର ମୁଇଁ
ରଖିଛେଁ ମକେ
ମୋରଠାନେ।
ମୋର ମୁଇଁ
ଜଉଛେଁ ମୋରନୁ
ମୋରନିକେ,
ସମିଆ କେତେ
କାଣା ନେଇଁ ଜାନେ,
ଜାନବାର ଭି
କାରନ ନେଇଁ।

ଜୀବନ ଅଛେ,
ଅଛେ ଆରୁ ଆରୁ
କେତେକାଣା ମୋରନେ।
ସବୁକେ ନେଇକରି
ମୁଇଁ ଅଛେଁ,
କହୁଛେଁ ଅଛେଁ,
ନେଇଜାନି,
କେନ୍ତା ଆରୁ କେଁଟା।

ଠଁ କଉଛେଁ
ଫୁଲ ଫୁଟୁଛେ କେନ୍ତା,
ରଖୁଛେଁ ହିସାବ
ଫଲର।
ନେଇଁ କହି ଜାନି
ସଫାକରି କାହାକେ।
ମାତରକ ଲେଖୁଛେଁ
ସତ୍ ସବୁ,
ଜେନ ଜାହା ଭାବଲେ ଭାବୁ,
ଜେନ ଜାହା କରମି
ବଲୁଛେ ବଏଲେ କରୁ।

ଲେଖୁଛେଁ,
ଲେଖୁଥିମି ଏନ୍ତା
ଆଗକେ ଆରୁ ଆରୁ,
ଜୀବନ ଜଉ କି ଥଉ,
ଆଗକେ ଆରୁ ଆରୁ।