Hustisya Para Sa Gin Paslang Poem by Sophie Allyah

Ang manga yawa gatambling sa kalipay
Ang manga ulod may bag-u naman nga balay
Ang manugkotkot may ulubrahon na naman
May bag-u naman nga pulawan
Ang ginikanan kag utod gahibi dagat
Samtang ang manga abyan kag kasimanwa
ganiluha dugo ang tagipusoon
Manga anghel gabatyag sang kasubo
Ang tawo napatay tungod sa bo-nu
Tawo pa ni bla ang naghimo?
Anu ka klasi nga tinuga!
Sapat!
Yawa!
Dapat sa imo ilubong buhi!
Pakan-on damog kag paimnon ihi!
Sapat!
Man-og!
Wala tinon-an!
Dapat sa imo pudpuron pati tul-an!
Sapat!
Traydor!
Mango nga paminsaron!
Damo ka salabton!
Sapat batasan!
Law-ay itsura!
Batasan mo daw basura!
Paanu na sila?
Manga naga palangga sa iya!
Gin tapus mo iya kabuhi,
Gin buhinan ang ila nga lahi!
Sa rason nga indi mabaton,
Pagkatapos himuon lagyo dayun
Ang nakakita lang ang manga kalag
kag manga maligno
Sigurado kung mapatay ka man
tupa mo sa impyerno!