George MacDonald

(10 December 1824 – 18 September 1905 / Huntly, Aberdeenshire, Scotland)

I Ken Something - Poem by George MacDonald

What gars ye sing sae, birdie,
As gien ye war lord o' the lift?
On breid ye're an unco sma' lairdie,
But in hicht ye've a kingly gift!

A' ye hae to coont yersel rich in
'S a wee mawn o' glory-motes!
The whilk to the throne ye're aye hitchin
Wi a lang tow o' sapphire notes!

Ay, yer sang's the sang o' an angel
For a sinfu' thrapple no meet,
Like the pipes til a heavenly braingel
Whaur they dance their herts intil their feet!

But though ye canna behaud, birdie,
Ye needna gar a'thing wheesht!
I'm noucht but a hirplin herdie,
But I hae a sang i' my breist!

Len' me yer throat to sing throu,
Len' me yer wings to gang hie,
And I'll sing ye a sang a laverock to cow,
And for bliss to gar him dee!


Comments about I Ken Something by George MacDonald

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, April 9, 2010



[Report Error]