Anele TheAfrikanSon kaMthethungqongqo Potelwa

Rookie - 0 Points (1992 March 03 / South Africa (eDutywa, Mfenguland, staying in Cape Town))

Iindoni Zamanzi - Poem by Anele TheAfrikanSon kaMthethungqongqo Potelwa

Buthozama nje nibudyobhelani?
Bubibitheka nje nibuqhunkqelani?
Ndase ndabona nifakela imisila yehashe
Ndase ndabona sele niqab'intshong'emehlweni

Obenu kaloku bubuhle bendalo
Ezenu! Ewe ndixela ezenu iinwele zezendalo
Kodwa niqaqadekile kukungoneli
Nidandathekile kukungakholwa

Nibahle kangaka nje nizixhaphazelani
Nikhazimla kangaka nje nizixheshelani
Nitsho! Zezendalo ezo nwele asizozenu
Ndithi! Bobendalo obo buhle asibobenu

Gqi! Qhaphu!
Ngalowo ezixhitha ezama ukuqob'isihlwitha
Qhaphu! Gqi!
Nank'omnye eziqab'amafuth'enqathe emlonyeni

Suke yamenyezel'imilebe
Wawungafunga ukuba uvinjwe inyama wena qaba
Wawungafunga ukuba kugqithe inkanyama kwezo nwele,
Ndixela wena bomvana
Simanga sini na esi?

Apho intokazi yomAfrika ingoneliyo bubuhle bayo
Ziyephi na iimbeleko?
Ziyephi kanti izacholo?
Bayethi na onomtidili?
Iyephi na intombi yomAfrika
Zayatshona phi na iindoni zamanzi?


Comments about Iindoni Zamanzi by Anele TheAfrikanSon kaMthethungqongqo Potelwa

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, December 2, 2011



[Report Error]