Ik Jal Pari Se Pehlay Kahin Mil Chuka Hon Mein Poem by Azwer Lone

ik jal pari se pehlay kahin mil chuka hon mein
deewangi se pehlay kahin mil chuka hon mein

hairangi nahi hai tri be wafai par
hairangi se pehlay kahin mil chuka hon mein

sanjeedgi sawaar hai yeh jo nai nai
avargi se pehlay kahin mil chuka hon mein

har aadmi se mil ke yahi lagta hai mujhe
is aadmi se pehlay kahin mil chuka hon mein

yuhin khayaal parta hai mujh ko kabhi kabhi
is zindagi se pehlay kahin mil chuka hon mein

shayad isi liye hai marey dil ko itna sabr
Tishna labi se pehlay kahin mil chuka hon mein

Azwer sabhi ko milta hon aisay tapaak se
jaisay sabhi se pehlay kahin mil chuka hon mein
.....