Intezaar Hai Mujhe.... - Poem by Tarun Kumar

lamhein zindagi ke guzar rahe hain yun
dil ko na rahi ab dhadkanon ki aarzoo
ummeed mein teri dil ab bhi chal rha hai
aagosh mein aane ko tere, ye machal rha hai

tere ishq mein iss kadar kho gaya hoon
bhool gaya har gam yun tera ho gaya hoon
dikhe na tu kabhi to saans ruk si jaati hai
tujhe khone ke dar se hi aankhein nam ho jaati hain

nazrein meri harsu tere deedaar ki talabgaar hain
aa jaye tu jeevan mein yehi ek darkaar hai
ya khuda pyaar ka izhaar usse kaise karun mein
kaise mein bataun kitna gehra mera pyaar hai

tu agar saath na ho zindagi bemaani hai
tu mera hamsafar ho to hi zindgani hai
ek din tu meri hogi yeh aitbaar hai mujhe
har pal tere saath aane ka ab intezaar hai mujhe