Ndophele ndithini na Bhelukazi
Elimanz' andonga nobulali
Kaloku neenyosi aziwuvali ngawe
Ncangathi ndini yothando
Kaloku wena ungumomelezi wentliziyo
Zethu ezibuthathaka yolokazi
Ubuhle bakho bumangalisa ihlabathi
Besingobani na thina ngaphandle kwakho
Wena usinika intsingiselo yobom'esibuphilayo
Isandla sakho soxolo sibumba ubuntu bethu
Wena ungumkhanyisi weentliziyo zethu
Xa zisithela kubumnyama beli lizwe
Wakha imbumba yemvisiswano nentlonipho
Thina sizwe sakho sikukhonzile ngolonwabo
Amahem-hem namayeye-ye siwanikela kuwe
Kaloku wena uyincindi eyombethe uthando lwenyaniso
Hlala ezintliziyweni zethu nakumaqhawekazi ethu
Xa lisitshonela eli langa wena ulithemba lethu
Sakombatha wena ngamaxesha onke kumkanikazi yothando
Siyathembisa sizibophelela ekwakheni amakhaya ethu ngothando
This poem has not been translated into any other language yet.
I would like to translate this poem