Momin Khan Momin

(1800 - 1851 / Delhi / British India)

Jo pehle din hi se dil ka kaha na karte ham - Poem by Momin Khan Momin

Jo pehle din hi se dil ka kaha na karte ham
To ab ye logoN ki baatein suna na karte ham

Agar na haath mein us dilruba k dil dete
To dil pe haath sada dhar lia na karte ham

Us aafat-e-dil o jaaN par agar na mar jaate
To apne marne ki har dam dua na karte ham

Na karte us ki, ba-rang-e-hina, jo paa-bosi
To shakl-e-barg-e-hina yuN pisa na karte ham

Agar na haNsna haNsaana kisi ka bhaa jaata
To baat baat pe yuN ro dia na karte ham

Agar na dekhte wo pyaari pyaari surat, aah!
To eik eik k muNh ko taka na karte ham

Jo gham butoN ka na hota teri tarah Momin!
To dekh charkh ko, ' hai hai khuda! ' na karte ham


Comments about Jo pehle din hi se dil ka kaha na karte ham by Momin Khan Momin

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, April 20, 2012

Poem Edited: Friday, April 20, 2012


[Report Error]