Momin Khan Momin

(1800 - 1851 / Delhi / British India)

Jo tere muNh se na ho sharmsaar aainah - Poem by Momin Khan Momin

jo tere muNh se na ho sharmsaar aainah
to rukh kare soo-e-aainahdaar, aainah

kahe hai dekh ke ruKhsaar-e-yaar aainah
ke is safaai pe sadqe nisaar aainah

siyaah_roo na kare tark-e-ulfat-e-gulfaam
maiN bul_hawas ko dikhaauN hazaar aainah

safaa-e-dil ki kahaaN qadr teerah_rozi meiN
chiraaGh-e-sub'H hai shabhaa-e-taar aainah

woh saKht_jaaN hooN ke dikhlaayeN gar dam-e-murdan
to toRh de kamar-e-kohsaar, aainah

muqaabil us ruKh-e-roshan ke khul gayi qala'ii
na Thehraa aag pe seemab_waar aainah

samaa rahe haiN magar tere nau-b-nau jalwe
ke ban gaya hai tilism-e-bahaar, aainah

shikast-e-rang pe masti meiN haNste haiN ham bhi
dikhhaayeNge unheN waqt-e-Khumaar, aainah

mujhe to kahte ho mat dekh merii jaanib too
aur aap dekhte ho baar-baar, aainah

samajh to ''Momin'' agar na_rawaa hai Khud_biini
to dekheN kaahe ko parhez_gaar, aainah


Comments about Jo tere muNh se na ho sharmsaar aainah by Momin Khan Momin

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, April 20, 2012

Poem Edited: Friday, April 20, 2012


[Report Error]