Kalibang Sayo Sa Buntag Poem by RIC BASTASA

Morag mogawas na gayod
Kagawson na
Midagan ka paingon
Sa lugar diin nimo
Kini siya ihulog

Pag-abot gihubo nimo
Ang imong gisuot
Milingkod ka
Mipiyong sa imong
Mga mata
Mitakilid mipatunga
Mihawid sa kilid
Mipiyong pag-usab
Miagulo sa kalami
Lamog ang kasakit
Gamay morag maingon
Ingon ang imong
Pagbati sa dihang
Migawas na silang
Tanan. Nakaingon ka
Og hay kahayahay!

Nalibang ka lang
Sa imong nakaon
Nga santol, pinya
Og kinilaw nga bolinaw.

Nabasa nimo ang
Usa ka sinulat sa usa
Ka banggiitan nga
Amerkano nga kining
Klaseng panghitabo
Diha sa imong sampot
Og sa imong pantawan
Usa ka dakong kalipay
Sama sa paghimugso
Sa usa ka himsog nga
Balak. Busa paglipay.