Ke Nagana Ka Wena! Poem by Mazwi De Praiser

Ke nagana ka wena
mesong pele letšatši le hlaba,
E sale leswiswi pelo ya ka
e kwa bo gona bja gago.
Lerato la gago le bonolo bja gago
Le go nanya ga go hema
ka morethetho ge o robetše,
Gomme ke nale khutšo!

Ke nagana ka wena
Ge mahlasedi a letšatši
A thoma bjalo ka phororo gare ga difofu
'Mme o dule mahlong aka.
Ke otlolla letsogo laka,
Le leoto laka,
Le ditho ka moka tša mmele
ditla dira bjalo
Go go kgwatha le go go hema,
Ee! Go bane go fepa pelo ya ka,
Le moya waka
Gomme ke nale khutšo!

Ke nagana ka wena
Gare ga mosegare,
Ge letšatši le le godimo kudu,
Ge phiišo e ruthetša letlalo laka
Ke tswalela maahlo aka
ka lethabo le le tseneletšeng.

Go nagana ka wena go ntekane!
Go nagana ka wena go nkaparetše!
Go nagana ka wena go a mpekiša!
Diswantšho tša gago di ntukologa
Boka leru la fani,
Di latswa matsogo a tšohle tšeo
di di kgomang,
Gomme ke nale khutšo!

Ke nagana ka wena
Ge letšatši le dikela,
Ke ra ge mahlasedi a lona a mafelelo
a thoma go swiswala.

Ke kwa lentšo la gago, le boleta
le nanya hlogong yaka.
Mantšo a mabotse, a lethabo
a go agiša ebile a lerato le lesa feleng.
Pelo yaka e thoma go opela
koša tša marato, tše monate le tše bonolo.
Ke kgalela go abagana le wena
letšatši laka le la gago le nna,
Gomme ke nale khutšo!

Ke nagana ka wena
ge letšatši le diketše.
Go sesemala ga ngwedi
Go bontšha matete le mebala
ya wona e mentšhi!
Go nagana ka wena o mnyemnyela,
Le lesego la gago le mahlo a gago
Di bopamaikutlo ao go sa kgonegeng
Go a hlalosa ka mantšo feela.
Go hlokagala go go kgoma,
go gokwa, le go gonwa.
Ke go kgalela kudu ebile
Ga go sale bonolo go itshwara!

Go lebelela wena
ke mpho e kgolo kudu
Le go fetišiša.

Ke khutšong!