Kefyat (In Sindhi) Poem by Aadil Hingorjo

ھي ڪيفيت ڇا آھي، ۽ ان جي قوت ايڏي قوي ڇو آھي؟
ھي ڇڙواڳ پر ڇڪ سان ڀرپور ھوائون ڇا آھن؟
ھي جو انھن ۾ ھڳاء آھي، سو ڪيئن آھي، ڪٿان آيو آھي؟
ھي جي صحرا، سمنڊ، جبل، ۽ ويران واديون آھن۔۔۔
سي ڀلا ايڏيون حسين ڇو آھن؟
ڇا انھن جو به ڪو زوال آھي، جيئن شھرن جو ھوندو آھي۔
پر زوال جو به ھڪ لڳ ئي نشو آھي؛
زوال جي به ھڪ پنھنجي ئي ڪشش آھي؛
زوال جي به ته ھڪ اڻ کٽ روداد آھي۔۔۔
جيڪا ھر موسم جي ماھيت ۾ عيان آھي،
۽ جيڪا انسان جي انڊلٺي وجود ۾ سدا رقصان رھي ٿي۔۔۔