Kwenadi Poem by Kwenadi Gaaje

KWENADI

Ke Kgosigadi gare ga Dikgositonna
Ke Kwenadi gare ga dikwena
Lethebeswane la noka ya Tubatse
Ke mosadi gare ga basadi...

Kgaitsedi ya masogana
Kgadi ya bo Pebetsi le bo Mahlako
Morwedi 'a Boroko 'Keba
Se tswala Kgadi ya bo Motlangwana le bo Mohlalerwa...

O betlilwe
Go betlwa go tswa popelong ya gagwe motsadi
We retwa se sa bonwa
Go ba Kgosigadi go kgakantsha Kwenatonna - bodibeng jwa 'one
O bonwe...

O retilwe
A retwa a sale monnye
Thupa ya betlwa e le nnye
Ya gola ka kitso
Mosetsana go gola ka lebitso la
DiKgosi gonne a theilwe ke Dikgosigadi...

Boipelo le Boitumelo
Di rena pelong ya gagwe
Moyeng wa gagwe go rena Khumo le Tshiamiso..

O bone le motsamao wa gone
Ekete wa Tau
Bogale jwa gagwe bo gaisa ba Tau e kwatile
Lorato go ene leabo le tuka kgabo ya molelo..

Ke ' Kgarebe ya mmala wa sebilo
Mosadi tia
Se itse molao
Wa gagwe mmila o kgantshitswe
Ke ka foo a bonwang a ikgantsha ka la gagwe Leina....

Kwenadi........