करका तों सीनका
करका तों हिण्ड
इस समाजा मंज
कुली री के हा जींद
जम्दे मापे दुःख म्नांदे
कुली बेचारी जो
घटिया स्कूला मंज पढांदे
बेचारी जहने भी घरा तों
बाहर नकेंदी
इस समाजा रे कतुने ही
दुखड़े सेंदी
बचदी-बचांदी
सो जे बस्सा माँ पुज्दी
तेठी भी समाजा री
कई हरकता हुज्दी
इस समाजा मा
कुली री के हा जींद
मापे -हौरे सबी जो चिंद
ऐ! दोगले मनुओ
कुदरत जो समझा
इस समाजा मा फैली
गंदी सोचा जो बदला
ऐ कुली भी समाजा रा
हिस्सा ही हा
गबरू तौं बगैर कजो तुसू जो
कुस दुस्दा ही ना
असे भी सब कुस
क्र सकदी हिन
गबरू रे बराबर पड़-लिख
सकदी हिन
तुसे निचिंदे रेहा
ना समझौता रखा
बस अपनी कुली री काबिलियता पुर
भरोसा रखा
Milap Singh Bharmouri
This poem has not been translated into any other language yet.
I would like to translate this poem