ଫୁଲଠି ଜୀବନ Life In Flower Poem by Gajanan Mishra

କାହା ବାଡିର ଫୁଲ ୟେ
ଗଜାନନ ମିଶ୍ର

ଜାଣେ ନା
କାହା ବାଡିର ଫୁଲ ୟେ,
ଆଉ ଫୁଲ ପାଖରେ
ବାସ କେତେ!

ଜାଣେ ନା
ଫୁଲଠି କେତେ ସ୍ୱପ୍ନ,
ଆଉ ସ୍ୱପ୍ନ ଭିତରେ
ଫୁଲ କରେ କଣ!

ଜାଣେ
ଆଉ କରେଁ ଅନୁଭବ
ଫୁଲର ଦୁଃଖ
ଫୁଲର ଯନ୍ତ୍ରଣା।

ଜାଣେ
ଫୁଲର ଇତିହାସରେ ନାଇଁ
ଘୃଣା ଆଉ ଛଳନା।

ଧିକ୍ ମୋ ଜୀବନ
ଯଦି ଫୁଲ ଭିତରେ
ଜନ୍ମାଇ ପାରି ନି
ବିଶ୍ୱାସ ଆଉ
ଗାଇ ପାରି ନି
ଗୋଟେ ଗାନା।
ଧିକ୍ ମୋ ଜୀବନ
ଯଦି ନ ଦେଇ ପାରିଲି
ଟିକିଏ ବି ଆଶ୍ୱାସନା।

ଫୁଲଟା
ନୁହଁ ସାମାନ୍ୟ
ଫୁଲଠି ଦେଖେଁ
ମୁଁ ମୋର ମୁହଁ,
ଫୁଲଠି ଇ ରହିଥାଏ
ମୋର ଜୀବନ ।

ତପୋବନ, ଟିଟିଲାଗଡ, ବଲାଙ୍ଗୀର
04/06/2020