Lost In Haze (Hindi Poem) Poem by Menime Soul

Tum jaane kaha kho gayi..
Udte badalo ki tarah.
Mey akela reh gaya..
Us chaand ki tarah.

Dil poochta rehta hai..
jaane kya thi wajah?
Jaane kis baat ki..
Humko mili sajaa?

Dard bayan na kar paau..
Zubaan par shabd thehar jaate hai.
Beetey lamhe pal pal..
Meri rooh ko satatey hai.

Tumse tha is dil ka naata..
Tumhi se jura tha har sapna.
Is rang badalti duniya mey..
Tumhi toh thi ek apna.

Jaane tum kaha ho..?
Naa jaane kyun toota yeh pyaar?
Tumhi se juri thi meri har khusiyan..
Tumhi se tha mera sansaar.

Lout aao yeh guzzarish hai..
phir se tum meri zindagi mey.
Chand saansey bachi hey,
ab toh is tanha dil mey.

Paas aakar baitho zara,
bas kuch pal dekhlu kareeb se tumhe.
Yahi is dil ki aakhri tamanna hai,
waqt ke saath saath bhula na dena hamey