Luambo Poem by Tshililo Thomas Radzilani

Luambo lwanga ndi nne
Nne ndi zwine nda amba
Mvelele yanga ndi zwine nda vha
Nne na muambaro ri vhathihi

Ambani na nne nga lwanga lwa damuni
Gudani nne na nne ndi do ni guda
Vhuvha hanga ndi ha muthu
Lulimi lwanga lwo neta u pambiwa

Maambele, mirero, thai na dzingano ndi zwanga
Ndi ngani ni tshi nthudzela thungo?
Shango lino ndi la dzimbalombalo?
Muthu u vha muthu nga vhunzhi ha mbalo?

Luambo ra fundedzana ri do pfana
Ahuna luambo lu si luambo
Mulovha lwa vha luthihi - namusi ndi si dza vhalei
Na amba lwanga ni nkwama vhudzivha ha mbilu