Ntliziyo echiz'igazi kuko ukungazi,
Ntiyo eyiyo endayingcamla kookhokho ngolwazi,
Ndandul'ukuxilong'ubuchopho enkcochoyini,
Ndinqul'ukulangazelela imbal'entlangothini,
Mafunga nkundleni kuthando lukasathana,
Mnqophis'odume kweli ngokundlandlathekisana,
Buth'ubukho bakho zitshab'iintshatshoba zamatshawe,
Buth'ubuthuk-thuku bakho bukhuthul'ubuhle benqawe,
Ziphal'iinyembezi kungezi nonebango,
Zincithek'ingqondo kuvalek'ucango,
Mfondini yitsh'uqhuba kuba sele ugqibile ngentluzo,
Kub'iqeqengula leentsana kuwe yimiphunzo,
Kucim'amagama engqondweni xa ugadlile,
Kuphel'ubumuncu xa sele isonka sibhadlile,
Mehlo abone ubuhle bobumdaka bakho,
Ndlebe zam eziv'ingxokozelo yeenkunkuma zakho,
Wonqandwa ngubani na xa kohlulek'amakroti,
Wohamba nini koludushe ulenza kumaxhonti,
Ndivakele nakomkhulu ndikhwaza elakh'iganyana,
Ndisitsho ndibabazel'inkuselo yenzala yomjanyana,
xa wawuxhathalaza uxhentsel'esibaneni semixhaka,
xeshikwen'iinzala zixhathisa zimunc'ubumandi bezontlaka,
kanti ngophanyazo azintlana iziphumo,
This poem has not been translated into any other language yet.
I would like to translate this poem