Maaijhi (Kosli Poem 109) Poem by Binapani Mahaling

Maaijhi hauchhe shaktir mul jeebanar naed dhaaraa
Maaijhi hauchhe peremar saagar kuilaa bhitren heeraa.
Maaijhi hauchhe mamataar saagar chamatkaari jeeban daani
Maaijhi hauchhe sumadhur maa gharar jaadukaarni.
Maaijhi hauchhe kshymaar devi pabitratar sunaa murat
Maaijhi hauchhe birbiraar maa ghar-gaan-deshar eijat.
Maaijhi hauchhe charitrar maastar chhuaar pahelaa guru
Maaijhi hauchhe pahelaa baid rog aasi nidiae mulun.
Maaijhi hauchhe sirmet gharar lok eitaa helen
Maaijhi hauchhe se malar sutaa jena gharalok phul helen.
Maijhi desi sanskaarar nihi jena hesi desh thiaa
Maaijhi sikhit helen chhuaakarsan desh, jaatir naa.
Jen deshen milsi taahaake adar samaj gaadhsi peremar paani
Jadi taahaake milsi samaan adhikaar desh dekhsi unnatir thaani.
Maaijhir badhlen atmasamman desh karsi garab
Maaijhi swadhin helen samaajen hesi hasi khusir parab.
Maaijhi bujhlen nijke duniaa bujhbaa taahaake.
Nije ni jaani nijar shakti dosh debu aau kaahaake.