Ndzi ku yini mina mavhundla?
Ku tokolo, xi khohlola rifu khigi! 1
Maburuku tapii!
Ku hlangana na va kokwana hi xibububu swi ndzi khomisa xihlaya
Ndzi to yini mina mafanato
Ndzi hambane kwihi ni va fana kuloni?
Ndzi hambuke kwihi xana?
Ndzi tekele mani xa yena?
Ndzi ngo dyeriwa mavele hi ti mpfuvu ndzi nga rimanga enhlalukweni?
Kasi ndzi fanele ku yini naswona ndzi byela mani
Ku tekeriwa swaku swa vava vaka hina
Ngopfu lexi ku humeseke elawini
Kasi ndzi ta ku yini mina mfa’ ka Qhivi
Va vurhena va ndzi tshame enhanwini
Ku tokolo, va ndzi hamuta ndzi fovela,
Ku fovela bya xibodze
Swi handza-matala ku tala swi nga talangi?
Leswi ndzi ngo phutumiwa nhlekanhi xi lo hosi
Ku vikela varikwavu I ku tumbuluxa fenya
This poem has not been translated into any other language yet.
I would like to translate this poem