Man Mandir Ki Devi Poem by Shrini Deewana

Tumahare saare badan ko phoolon se dhak dena hai mujhe,
Tere kadmon mein khud ko arpan kar dena hai mujhe,
Dil mein basi saari chahat ko tere saamne laana hai mujhe,
Tere saanson mein apne saanson ko mila dena hai mujhe.

Sanam jab se mili ho mere dil mein bas chuki ho tum,
Meri sakhi mere biwi mere jeevan saathi ho tum,
Jeevan ke har raahon mein bas rehana tum sang mere,
Tere saath hi sanam manzil tak pahunchna hai mujhe.

Log to chahate hai apne pyaar ko magar,
Mein to pujta hoon apne mohabbat ko sanam,
Duniya to kehati hai bhagwan base hai har jagah mein lekin,
Mere man ke mandir mein basi devi ho tum.

Shrini 'Deewana'