Mere Ishq Ki Qabar Poem by Tuhin Garg

Qabar aur qadar mein koi fark nahin hota,
Dono ka ehsaas marne ke baad hi hota.
Zinda reh ke jo bhool jaaye vo kya ishq karenge,
Jo saath mein na thahre, vo kya wafaa denge.

Dil ke rishton ka mol tab samajh aata hai,
Jab door jaane ke baad koi yaad dilata hai.
Kya maaloom kabhi humare ishq ki qadar qabar pe karo,
Phool gira ke khamoshi mein guftagu karo.

Ye soch ke hi rooh rozz aansoo bahati hai,
Mohabbat zinda hoke bhi maut si lagti hai.
Is khwaahish se hum rozz marte aaj bhi hain,
Ki tum samjho ke hum sirf tumhare hi hain.