Mui Uthmi (Kosli Poem 71) Poem by Binapani Mahaling

Mate samudaren phiki delen bi lahada sange uhuli aaimi
Samudar khani laagi jhaaun jangal metaar uthmi
Samudarar sheetal pabane swadhinataar geet gaaimi
Jhum jhum kari naachmi aau aagke badhbaar sapan dekhmi.
Mate pahaad uprun take phiki delen bi saapanr phana hei uthmi
Binaa god haath thibaar saanph lekhen murkuti hei chaalmi
Sabu gachh khut pathar dhekal kantaa jhantaa ke pachke pakeidemi
Pahaad upar ke pahanchi mor antar atmaar geet gaaimi
Mate maatin tupi delen bi muin labhaa hei hulaa hulaa hei uthmi
Mor akhri dam tak jail jail ukiaa sansaar ke demi
Samkirir paranu raag hinsaa ahankaar jaali sukh tike demi
Mor sabu haath chaari digen lamei shaanti piratir geet gaaimi.
Mate khan khan kari purthi saaraa bichhi delen bi uthmi
Pataar gajaa metaar sabu khanu gajaa aaknri gachh hei badhmi
Muin sabu bish ke pei dei nuko paban saaraa jagat ke demi
Paaaen paban maait aakaash sabu aaden saphaa sutra demi.
Mate juae thin jaali nelen bi khaar hei paban saange uthmi
Pabanar gati saange bichhi hemi aur mor kahanr mahakami
Aakaash, paataal, marat sabu jaagaa ke muin pahanchimi
Chentaa chetanaar bhaabnaa samkirir mane jagaami
Uthmi mui uthmi sabu paristhiti na mor jeeban lagei uthmi.