Mujhe Isse Kya Poem by Shamshad Ahmed Shaikh

Bahot Khubsurat Badi Dilruba
Tum Ho Gar Hasee Par Mujhe Isse Kya

Sabhi Ko Deewana Bana Jayega
Tera Husn Hai Shar Mujhe Isse Kya

Meri To Tamanna Hai Saada Chaman
Tu Hai Phool Behtar Mujhe Isse Kya

Ye Powder Ye Laali Ye Make-up Bala Hai
Hanso Khoob Sajkar Mujhe Isse Kya

Ye Duniya Hai Mumkin Nahi Hoor Milna
Firo Hoor Bankar Mujhe Isse Kya

Na Dildar Ho Tum Na Insaan Achhe
Raho Khush Sab Khokar Mujhe Isse Kya

Dikhaona Yun Shokhiya Muskura Kar
Ho Tum Husn E Paikar Mujhe Isse Kya

Ye Zulfein Ye Aankhein Ye Lab Ki Kushai
Hai Tu Sab Pe Mehshar Mujhe Isse Kya

Sukhanwar Hoon Main Aur Qalam Mera Lehja
Adaon Ke Manzar Mujhe Isse Kya

Pasand To Na Aayegi Tumko Ye Batein
Main Khush Hoon Ye Likhkar Mujhe Isse Kya

Kadakti Hawaon ki Barsaat Mein Tum
Giro Bijli Bankar Mujhe Isse kya