RIC S. BASTASA


Nasabtan Ko Na Ang Mga Gipanagna - Poem by RIC S. BASTASA

karong wala ka na sa akong kiliran
sa kanunay gipangita ko ikaw sa
larawan sa uban

sa dalan naglaray ang mga buwak
nga morag mga bitoon
sa langit diha sa kagabhion
nanglupad ang mga kahon

nasabtan ko na ang mga gipanagna
misayaw ang adlaw
mihunong ang kalibotan
og kalit mingitngit ang kalibotan

nauga ang mga sapa
mihunob ang dagat
nanagan ang mga bato
nahugno ang pangpang
nangahulog ang mga bitoon
nahilis ang mga panganod

nahugno ang akong kalibotan

Topic(s) of this poem: life


Comments about Nasabtan Ko Na Ang Mga Gipanagna by RIC S. BASTASA

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Thursday, September 10, 2015



[Report Error]