Momin Khan Momin

(1800 - 1851 / Delhi / British India)

Nawak andaz jidhar - Poem by Momin Khan Momin

Nawak andaz jidhar dida-e-janan honge
nim-bismil kai honge kai bejan honge

tab-e-nazara nahin aina kya dekhne dun
aur ban jayenge taswir jo hairan honge


tu kahan jayegi kuch apna thikana kar le
ham to kal khwab-e-adam main shab-e-hijran honge

phir bahar ai wahi dasht-e-nawardi hogi
phir wahi paon wahi khar-e-muglan honge

nasiha dil main tu itna to samajh apne k ham
lakh nadan huye kya tujh se bhi nadan honge

ek ham hain k huye aise pasheman k bas
ek wo hain k jinhen chah k arman honge

minnat-e-hazrat-e-isa na uthayenge kabhi
zindagi k liye sharminda-e-ehsan honge

umr to sari kati ishq-e-butan main 'Momin'
ab akhiri waqt main kya khak musalaman honge


Comments about Nawak andaz jidhar by Momin Khan Momin

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, April 20, 2012

Poem Edited: Friday, April 20, 2012


[Report Error]