Nkqo! Ngqoko!
Buso bukhanya mnyama,
Zandla zibanda shushu,
ntokazi imhlophe thsu,
Ekuseni uyancuma,
Ndithi ndakukhwaza elo ganyana lakhe,
Asabele ngelo lizwi linobubele,
Ath'ukundibona litsholoz'ilizwi,
libe yeyona gush'iqhawulw'uqhoqhoqho!
Ndibhideke ke nguye, kuba,
Xhathalala mzuzwana nje uxhel'exhukwane,
Bhadalala mzuzwana nje ubhaduza umlomo,
Inene loo nyani ndakuyibuza kubawo,
Qho ndakuzama ukuqhosha ngalo mbonjana wam,
wandula ukuqhushuza aqhwale andivezel'inqentsu,
Ndthi ke mna nxila ndini elinxilel'engqayini,
xam ndini oxhamzela phantsi kwamanzi,
Ngxangxasi engxengxeza kufuphi namaxhalanga,
mehlwana wam ngalomzuzu athande ukukubona,
Tyhini! ndingenako ukutyhafa ndithi,
Tyhileka ndibone ubukho bentokazana,
Tyhileka kucace ithambo lakho,
Tyhileka buhle bakho bobam,
Tyhila ntombi engekatyhaf'amaZizi
kuba bubo ubuhle endithe ndabubona kuwe,
Ndixela bona ubuhle besizalo,
Buhle! Ndikubabaza ngobuhle
Kuba uwatyhilil'amehlo wam
Kuba uyinwebile
This poem has not been translated into any other language yet.
I would like to translate this poem