Negatibo Poem by jose de claro

(jose_de_claro)
26April'07

Kasamok pa san kalibutan,
Waray na gud ba kaupayan?
Ada'n kasamok sa palibot,
Dagmit nagdadaog an kalangot.

Respeto sa igkasi tawo,
Deri na gud ba ini uso?
An kabuangan nakikita,
Ngaran nga gugma, daglit nawawara.

Ayaw pag tugot nga may nugad,
Oh sangkay ko ayaw, kakarag.
Ayaw pag tugot nga mawara'n inin gugma,
Oh abrehi an hunahuna.

Negatibo....oh masakit an akon ulo.
Negatibo…maynunugad ba ak sa imo?
Negatibo…mayda ako, kamo pareho.
Nagatibo…ayaw likaw, ada sa imo.

Nagkikita an kabataan,
Maupay ba nga susbaranan?
Oh dapat ba, angay pagsundan?
An baliko nga binuhatan?

Tawo la, may kaluyahan,
Natural kay di ka ayam.
Di gad rason nga'ton pasagdan,
Nga ma daug san kalibutan.

Nagtatangis kaba? Nasusubo?
Ngan mga luha mo danay manuro?
May kahimyangan man nga mahihimo,
Kun nakaandam la nga magpasaylo.