Kwawakho amagceke enhliziyo ngikhulekile
Ngentobeko ngiyazilahla kuwe
Engemaningi kodwa wonke ezothile
Kwawethu uyonethezeka
Ingunaphakade inqobo nje uma Umdali
Evumile esibhekile kwesakhe sobunene
Esikhosele. Namhlanje ngicela ungivumela
ube ngowami Ingunaphakade
Owethu siyowufulela ngemfudumalo siwuphahle
Ngenhlonipho, lapho kukhona uthando
injabulo ingumphelelisi manelisi weyami
Inhliziyo engenakupheleliswa ngaphandle
Kweyakho engumanelisi.
Ngeyakho Imvume ngiyophilela ukwenza eyakho
Ibe impumelelo siyophumelela benqabile bevalile
Sidlubulundele kwanele ukuthokoza umuzi
Kababa uvukile izitha zijabhile amaxoki exoshiwe
Uthando luvutha ubuhangu hangu
Kuhle kowequbula Umdali esifukula.
Kodwa Konke lokhu kuyophumelela
Ngemvume Yakho...
This poem has not been translated into any other language yet.
I would like to translate this poem
Biyela. Menziwa.