O Mes Yeux Abusez, Esperance Perdue Poem by Theodore Agrippa d'Aubigne

O mes yeux abusez, esperance perdue,
Et vous, regars transchans qui espiés ces lieux,
Comme je pers mes pleurs, vous perdez vostre veue,
Les pennes de mon cœur et celles de mes yeux.

C’est remarquer en vain l’assiette et la contrée
Et juger le païs où j’ay laissé mon cueur :
Mon desir s’y en volle et mon ame alterée
Y court ainsi qu’à l’eau le cerf en sa chaleur.

Ha! cors vollé du cueur, tu brusle sans ta flamme,
Sans esprit je respire et mon pis et mon mieux,
J’affecte sans vouloir, je m’anyme sans ame,
Je vis sans avoir sang, je regarde sans yeux.

Le vent emporte en l’aer ceste plainte poussée,
Nos désirs, les regretz et les pennes de l’œil,
Les passions du cueur, les maulx de la pensée,
Et le cors delaissé ne veult que le sercueil.