Anonymous


Of A Rose, A Lovely Rose, Of A Rose Is Al Myn Song. - Poem by Anonymous

LESTENYT, lordynges, both elde and yinge,
How this rose began to sprynge;
Swych a rose to myn lykynge
   In al this word ne knowe I non.

The Aungil came fro hevene tour,
To grete Marye with gret honour,
And seyde sche xuld bere the flour
   That xulde breke the fyndes bond.

The flour sprong in heye Bedlem,
That is bothe bryht and schen:
The rose is Mary hevene qwyn,
   Out of here bosum the blosme sprong.

The ferste braunche is ful of myht,
That sprang on Cyrstemesse nyht,
The sterre schon over Bedlem bryht
   That is bothe brod and long.

The secunde braunche sprong to helle,
The fendys power doun to felle:
Therein myht non sowle dwelle;
   Blyssid be the time the rose sprong!

The thredde braunche is good and swote,
It sprang to hevene crop and rote,
Therein to dwellyn and ben our bote;
   Every day it schewit in prystes hond.

Prey we to here with gret honour,
Che that bar the blyssid flowr,
Che be our helpe and our socour
   And schyd us fro the fyndes bond.


Comments about Of A Rose, A Lovely Rose, Of A Rose Is Al Myn Song. by Anonymous

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?

Read poems about / on: rose, power, song, spring



Poem Submitted: Saturday, January 4, 2003



[Report Error]