Joan Denton


Oh Stacey - Poem by Joan Denton

Oh Stacey!
Kiss mi neck gal yuh gone a farrin fi true! ?
So no more wild red salmon and oxtail stew! ?
Tho' it neva often it woulda com when it due
Mi wake up dis mawning an mi only coulda rue! ! ! !

So yuh left lemonade an' gone drink sprite
A wha inna a dat yuh coulda find right?
Yuh inna mind though yuh outta sight
So when yuh find time mek sure yuh write!

Tek care a di likka one dem, one and two
An nuh badda ask mi seh dat a who
Fa mi caan si how much yuh tummy grew
Is that mi niece or is it mi Nephew?

Mi nah go ask yuh seh a when it due
Or whether mi fi buy pink outfit or mi fi buy blue
Mi wi send yuh something fi any gender or hue
Fa mi really glad seh yuh a build up di crew

Mi ha fi go now fa mi have a date
An mi already hear him a blow outa di gate
Mi wi mek yuh kno how it go at any rate
Stay safe an big up yuh self an big up the state! ! !
Joan Denton


Comments about Oh Stacey by Joan Denton

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Sunday, May 27, 2012



[Report Error]