ଏକମାତ୍ର ଭାଷାonly Language Poem by Gajanan Mishra

କାହାକୁ ବାଧା ଦେଇ
କି ଦମନ କରି
ମୁଁ ଚାହେଁ ନା ହେବାକୁ
ପ୍ରକାଶିତ।

ସୂର୍ଯ୍ୟଙ୍କୁ ଢାଙ୍କି
ରଖିବାକୁ ଚାହେଁ ନା ମୁଁ।
ବୁଡାଇବି ନାହିଁ ବି
କାହାକୁ କୋଉଠି
କୋଉ କାଦୁଅ ପାଣିରେ।

ଚେଇଁ ରହିବାକୁ ଚାହେଁ ମୁଁ,
ଆଉ ଚାହେଁ ରହିବାକୁ
ସଦା ସଫାସୁତୁରା।

ଦେଖ, ମୁଁ ମୋ କାମରେ
ସଦା ବ୍ୟସ୍ତ, ଆଉ ମୋ
କାମ ପାଇଁ ମତେ
କେହି କଣ ଦେଉ କି
ନ ଦେଉ ମୋର ଲାଭ ଲୋଭ
ନାହିଁ କି ନାହିଁ କ୍ଷୋଭ ବି
ନ ଦେଲେ କିଛି।

ମିଥ୍ଯା ପ୍ରତି ମୁଁ ଅଛି ସତର୍କ
ଆଉ ଅଛି ଦୂରରେ।
ସତ୍ୟର ଆଲୁଅ
ମୁଁ ଉଦ୍ଭାସିତ।
ଅଛି ଉପରେ ମୁଁ ଆଉ

ଚାହେଁ ନେବାକୁ ତୁମକୁ।
ଯାହା ଯିଏ କହୁଛି ଯାହା
କରୁଛି ଅବା
ନା ଅଛି ମୋର ଦ୍ୱେଷ
ନା ଅଛି ମୋର
ସେଥିରେ ସଂପର୍କ।
ମୋ ପାଇଁ ସବୁ ମାଟି,
ମୋ ପାଇଁ ସମସ୍ତେ ମା,
ମୋ ପାଇଁ ସଚ୍ଚା ପ୍ରେମ
ଏକମାତ୍ର ଭାଷା।

ଦିଶି ଯାଉଛି ମୋଠି
ସଦା ଶାଶ୍ୱତ ନୂତନ ଦିଶା।