Ofero Basbas

Rookie - 338 Points (Camarines Sur, Philippines)

Pamumungnan Sa Tahaw Kan Uran - Poem by Ofero Basbas

lambang turo' may sadiring tanog
lambang turo' may sadiring lugar
lambang turo' may sadiring pangaran

kada tagdo' may kaibang panahon
kada tagdo' may kaibanan pang saro
kada tagdo' sarong turo na nagsusuhay

turo', tagdo', napalaen, napasuway
nawawara sa kasarabay na uran
nawawara, namamasyar sa sadiring kapanahonan.

saro, duwa, tulong-parte kan inaapat na nota
sarong may awit, sarong nagmamartsa, sarong namungnan
an kanta na saimong nadadangog, hematea!

iba man sa aniningal sa silensyo kan uran
sa silensyo sa pagultanan kan lambang turo' nin uran
sa katoninogan sa tahaw kan nawawarang turo' nin uran.

lambang saro turo sa panahon na mayo' digdi
lambang saro aniningal sa lugar na bako' ngonian
lambang saro turo na minalabaylabay sa saimong katoninongan

paduman sa lugar na dati man na kamayoan, mayong laman
kundi aniningal nin mga turo' nin uran
kung madangog mo sinda, pakisabi man
hugasan an purisaw sa mga turo' nin uran.

This is a translation of the poem Adrift On Raindrops by Ofero Basbas

Topic(s) of this poem: rain, rain drops, rainy night


Comments about Pamumungnan Sa Tahaw Kan Uran by Ofero Basbas

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Wednesday, January 27, 2016



[Report Error]