Para Saan? Poem by DL Mondays

Ako'y may isang tanong...
Isang tanong, Para saan?

Ang ilang oras na paglalakad, wala namang pupuntahan.
Ang pagikot ng 'lang ulit sa iisang daan.
paghihintay, pagaabang ng walang kasiguruhan,
para lamang sa isang taong wala namang pakialam.
kaya't bakit ba kailangang
gawan pa ng paraan
pagtoonan at paglaanan
kung lahat naman ng 'toy pupunta lang sa kawalan
at ikaw ay maiiwang nagiisa't nasasaktan.
Kaya't maari nyong sabihin na ako'y isang mangmang
pagkat ang lahat ng 'toy... para saan?


Ginawa ang lahat para sayo'y maging Sapat lang
kahit tulad sa patlang, ang puso ko'y kulang kulang
at kailangang punan.
Kanilang tanong nga sa akin
'Pag laban mo'y hangang saan? '
At aking ulit ulit na sagot 'Ito'y walang hangan'
Kaya't maari nyong sabihin na ako'y isang mangmang,
ngunit ako'y masisisi ba sadyang nagmamahal lang.
Ngunit matapos ang lahat... Para saan?