Phagun (Kosli Poem 59) Poem by Binapani Mahaling

Dharti raani dhangri heichhe man hauchhe chhan chhan
Rang birange sajei heichhe ghichbaarke aakaashar man
Saaguaa saadhi thin sesuaan phul aau surso phulia dhadi
Rang birangar kaapkaapi saange aam baul dhaadi ke dhaadi.
Kuilir kanthe geet gaauchhe bhara jaubanar bhaaraa
Baul phular atanr lageichhe aakaash aaibaa paraa
Khil khilaa te hasi dauchhe paahaadar jharnaa hei
Belbudaa ke sarmi jaauche aakaaash aaibaa bali.
Jham jhmaate naachi jaauchhe majurar paad pakei
Bhanrar beena saange mahul phulen maatal hei
Raait aailen sapan dekhuchhe dhangraa dhaangrikar aankhi
Dhaangri helaa dinu aakaash ke barichhe samiaa aachhe saakhi.
Din jauchhe raait jaauchhe chhati hauchhe dhad pad
Laaij sarme luki jaauchhe samudaria aanchhi tale lad pad
Din gadiglaa raait gadiglaa aailaare aailaa phagun puni
Aakaash deidelaa janhar sendur dhartir maan ke jaani.
Duhen rasi gale pirti bandhane hei gala gute man
Chaari digen phul phal bharigalaa dekhi hasuchhe jan
Aakaashar chhati na rakhla dharti taar laal gal gal muhun
Jharaa pirati bhaigalaa kankar pabane maataalia mahul phulen.