ପଢ ପଢ କବିତା ପଢ,
ପଢ ପଢ ଆହୁରି ଆହୁରି ପଢ,
ଯେମିତି ଛାଡିବ ମାୟାଭ୍ରମ।
ପଢ ପଢ କବିତା ପଢ,
ଆହୁରି ଆହୁରି ପଢ,
ପଢି ପଢି କର ସତ୍ୟ ଦର୍ଶନ,
ଆଉ ଧନ୍ୟ କର ଜୀବନ।
ସବୁଠି କବିତା, ସଚ୍ଚା କବି ଦେଖେ
କବିତା କୁଷ୍ଠରୋଗୀର ଘାରେ ବି।
ଜଳରେ ସ୍ଥଳରେ ଆକାଶରେ
ନଖରେ ଲୋମରେ ଆଖିରେ
ଠାଣିରେ ବାଣୀରେ ସଂପଦରେ
ବିପଦରେ ଫୁଲରେ ଫଳରେ
ଗଛରେ ଅଗ୍ନିରେ ପବନରେ
ଛାୟାରେ ମାୟାରେ ହସରେ
କାନ୍ଦରେ ଶୀତରେ ବସନ୍ତରେ
କବିତା କବିତା କବିତା କବିତା।
ଭାବରେ କବିତା,
ଭକ୍ତିରେ କବିତା,
କାର୍ଯ୍ୟକାରଣରେ କବିତା।
ପଢ ପଢ ପଢ କବିତା
ଆଉ ଥାଅ ଗୁଣକର୍ମ ଧରି।
ଭାବରେ ଅଭାବରେ
କବିତାରେ ମନ ରଖି ସ୍ଥିର,
ପବିତ୍ର ଥାଅ ଆଉ ବଂଚ
କାଳ ଭୁଜଙ୍ଗ ଦାଉରୁ।
ଅଛି କବିତା ଏଇଠି,
ଯୋଉଠି ଚାହିଁବ ସେଇଠି,
ବସିଲା ଜାଗାରୁ ଆସ ଉଠି ।
କବିତା ପଢି, କବିତା ଅନୁଭବି,
ଆନନ୍ଦରେ କହ ତ୍ରାହି ତ୍ରାହି।
This poem has not been translated into any other language yet.
I would like to translate this poem