Ribok Na Dae Nadadangog Poem by Winx Winx

Hararom na ang kabangihon
Palsok na ang ilaw sa lambang harong
Mga tawo, nanok na ang turog
Katoninangan na sana ang madadangog

Pero may sarong grabi ang ribok
Ribok na siya lang ang nakakadangog
Isip na sobrang masamokon
Dahilan kan iba ibang taramon

Mga bagay na dae pa nangyayari
Pinapanginutan na nin labi
'Paano na daw ini'
Yan ang pirming nasasabi

Grabi ang pasakit na tinatao mo
Sa mapag-isip na tawo
Minsan kawsa pa kan paghilang oh
Salud napapabayaan na gayo

Ribok na dae nadadangog
Perwisyo an saimong hatod
Imbis kaugmahan ang itao
Kundi problema pa sa tawo