Romeo Juliet- (Urdu Ghazal) Poem by mazHur Butt

Jo Mila Kha Liya Jo Mila Pea Liya
Sabr se Shukr se Chaar Din Jee Liya

Yoon To Karne Ko Thee Aik Se Aik Baat
Teri Ruswaee Ke Dar Se Moonh See Liya.

Saqiya Bay Niazi Ke Sadqay Teray
Zehr e Gham Ko Bhi Hanstay Huay Pea Liya.

Zard Hee Zard He Zindagi Ka Chaman
Mosam e Gul Ko Jaise Hua Peeliya

Romeo Juliet Kee Tarah Ishq Mein
Teri Khatir Sanam Zehr Bhi Pea Liya

Mere Dushman Bhi Khush Dost Bhi Shadmaan
Jaise Taisay Jiya mein Magar Jee Liya.