Ghazal ۔۔۔۔۔۔۔اردو غزل Poem by mazHur Butt

دور سے آتی ہے یہ پکار
رشتے ناطے سب بیکار

مصلحت کی یاری ہے
کیسی محبت کیسا پیار

کانوں میں رس گھولے ہے
سندر سکوں کی جھنکار

ایک سو چار سے کم نہ ہوا
حرص و ہواکا چڑھابخار

کھاوء پیو موج اڑاوء
ملے ہے جب تکادھار

تیر کمان' پتنگ' چھڑی
ہیں یہ سیاست کے اوزار

ٹی ٹی نے سب کو بھلایا
نیزہ' بھالا اور تلوار

دل کے کتنے ٹکڑے کروں؟
ایک انار اور سو بیمار

کب وہ زمانہ آئے گا
کب چھٹے گا یہ ادبار ؟

قیامت تو آ کے گزر گئ
حشر سے بڑھ کر ہیں آثار

دل کا حال عیاں ہو جائے
آنکھیں تو کرو تم چار

اقرار پہ انکے ہم قرباں
انکار میں تھااقرار

میری غزل تو سنی سب نے
اہل صفا بولےبیکار

آپ نے جو کہنا تھا کہا
کرنی نہیں ہم کو تکرار
مظہر بٹ