Rothesay Bay Poem by Dinah Maria Mulock Craik

Rothesay Bay

Rating: 2.6


FU' yellow lie the corn rigs
Far doun the braid hillside;
It is the brawest harst field
Alang the shores o'Clyde,--
And I'm a puir harst-lassie
That stan's the lee-lang day
Shearing the corn-rigs of Ardbeg
Aboon sweet Rothesay Bay.

O I had ance a true-love,--
Now, I hae nane ava;
And I had ance three brithers,
But I hae tint them a';
My father and my mither
Sleep i' the mools this day.

I sit my lane amang the rigs
Aboon sweet Rothesay Bay.

It's a bonnie bay at morning,
And bonnier at the noon,
But it's bonniest when the sun draps
And red comes up the moon:
When the mist creeps o'er the Cambrays,
And Arran peaks are gray,
And the great black hills, like sleepin' kings,
Sit grand roun' Rothesay Bay,

Then a bit sigh stirs my bosom,
And a wee tear blin's my e'e,--
And I think o'that far Countrie
What I wad like to be!
But I rise content i' the morning
To wark while wark I may
I' the yellow harst field of Ardbeg
Aboon sweet Rothesay Bay.

COMMENTS OF THE POEM
READ THIS POEM IN OTHER LANGUAGES
Dinah Maria Mulock Craik

Dinah Maria Mulock Craik

Stoke-on-Trent / England
Close
Error Success