Sa Hingtundan Nga Kuno Akong Gimahal Poem by RIC BASTASA

Sa tiilan sa taas nga bangaw
Anaa ang sulbad sa atong kamingaw.

Sa habog nga bung-aw
Pangitaa ang tungaw.

Gaksa ang iro nga maayong moaw-aw
Dayon sakay sa tambok nga kabaw.

Didto ta magkita sa Davao.
Himamata ang akong kataw.

Sublion ta ang atong mga laraw-
Supaon ang mais, apil na ang pakaw.

Dili ko matukib ang akong kamingaw.
Ang akong kaulag dili na kini tiaw-tiaw.

Kanus-a ba kita magkita sa isla sa Talicod?
Katol na baya kaayo ang akong likod.

Kalimti ako ayaw, pangitaon ko ang katagbaw
Dia ko gapaabot tapad sa plato nga bahaw.