Sa Katre Sa Pakigharong Sa Kamatooran Poem by RIC BASTASA

Ang mahitabo sa katre dili bakak.
Tinuod. Hubo kamo sa kaugalingon.
Hubo kamo nga makigharong
Sa inyong mga lawas ug hunahuna.

Maghukas. Maghawiray. Maglingkis.
Magtapot. Magpiyong. Panington.
Ug pagkahuman sa lalom nga pakigkita
Ug pakighimamat sa inyong mga kalag,
Magpahulay. Dayon magbulag.
Buot ninyong maghiusa sa hangtod.
Apan aduna siya'y lawas. Lahi. Langkat.
Buot sa inyong mga hunahuna nga
Ipadayon ang tanan. Apan lahi dinhi
Sa kalibotan. Malangkat ang usa ka
Bungbong. Madugta ang mga haligi.
Molupad ang mga atop. Hangtod nga
Walay mabilin. Mao kana kitang duha.