Sa Paglurang Sa Unos Poem by bonifacio alba

Sa paglurang sa unos
Mipuli ng kalipay saakong pagbati
Kay matataw ko nausab
Ang limbahong silaw sa adlaw

Mabati ko na usab
Ang huni sa mga siloy
Nga malipayong naniba
Nianang liso sa mansanitas.

Apan sa dili madugay
Moilog na usab ang kangitngit.
Ang mga lamggam sa ilang salag
Mamauli, mopahulay aron
Pagka-ugma molagsik.

Ang kagabhion day timailhan
Nga mopahulay na ang lawas
Nga lapoy, apan makatugaw lamang
Sa galamhan ang kangitngit
Sa dalan paingon sa idlas
Nga pangandoy.