Si Papa Ug Ang Iyang Puting Kabayo Poem by RIC BASTASA

Usa ka adlaw niana
Misakay si papa sa iyang puting kabayo

Padulong siya sa baybayon
Aron sa sayo maligo

Walay kaon ang kabayo
Apan si papa walay puangod

Siging bunal sa kabayo
Siging syagit nga magpaspas

Ug dagan hala paspas pa gyod
Ug dagan kanang morag naglupad

Sa dihang naa na sila sa dagat
Gusto ko na untang sulsulan ang

Puting kabayo aron molangoy
Kini sa pikas nga isla aron

Dili na kani mabunalan
Sa akong walay puangod nga amahan

Apan wala akoy nahimo
Sa kaisog sa akong palibot

Usa ka adlaw niana
Miabot ang dautang balita

Adunay kunoy dako nga tawo
Gikilaw sa iyang kaugalingong kabayo