Sofa Silahlane Wami Poem by cebisile zungu
Sofa Silahlane Wami
Ngiwela amagquma nemi mango ngifuna wena
Wena themba lami lokugcina
Angisa mdingi omunye ngaphandle kwakho
Uyimbali yami ebomvu echichima uthando
Uyilanga lami engikhanyisa ngalo
Hawu ngaze nganothando nawe
Bathi alibono kodwa olwami nawe lunamehlo
Angilali ebusuku ngoba ngibuka wena
Kazi isiphi isiwasho owangifaka sona
Ngilala emnyango ngoba ngibheke wena
Isichotho nesithwathwa siphelela kimi
Ngenxa yothando enginalo ngawe
Ngiyoxoxela amagwababa echobana
Ngothando lwami nawe
Igama lakho hlezi liso limini nase ndebeni zami
Amabhungu ashaya amakhwele efuna mina
Mina ngifuna wena
Uyizulu lami lokuqala nelokungcina
Uwuthungo lwami lwenkosazana
Lishaya ngemibala emihle ekhombisa uthando
Wena sofa silahlane ngothando lwethu
Sohlukaniswa ukufa
Mina nawe sophinde sibonane ezulwini
Uthando lwethu alufani nolwa banye
Simakade uthando lwami nawe lohleze lukhona manje naphakade
Uyintando yami yase mhlabeni nase zulwini
Mina noJehova sofa silahlane
This poem has not been translated into any other language yet.
I would like to translate this poem
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
4/19/2024 2:19:54 AM # 1.0.0.1119
to be a child of god it a very god thing i wrote this poem because of the relationship that i have with god