Isang bilyonaryo ay humiling sa araw ng kanyang kamatayan
Lagyan ng dalawang butas ang kanyang sisidlan
Upang mailawit kanyang mga kamay
Kahit sa kanyang paghimlay
Sapagkat nais nyang pagmasdan
At matanto ng lahat na sa kabila ng kamatayan
Ako ay walang dadalhin
Kahit isa man lamang
Ano ang katotohanan ng ating buhay?
Milya-milyang lupain ay walang saysay
Sa sandali ng iyong pagkamatay
Lahat maglalayo iyong taglay
Anim na piye lamang ay sapat na
Upang ikaw ay mabura
Maraming di kayang bilhin ng pera
Halika at ng makinig ka
Mabibili nga ng pera ang maraming aklat
Pero hindi ang pag-iisip na mulat
Mabibili nga ba ng pera ang pagamutan
Ngunit di ang magandang kalusugan
Siguradong mabibili ng pera ang malabot na higaan
Subalit di ang magandang pagpapahinga
Mabibili din ng pera ang masarap na pagkain
Ngunit hinding hindi ang masarap na panlasa
Ninanais bilhin ng tao ang katawan
Ngunit hindi ang kanyang kaluluwa
Marami ang nagtangkang bilhin ang imahen ng Diyos
Ngunit kaligtasan di kayang ariin ng lubos
Napakaraming di kayang bilhin
Ng salapi at kayamanan
Ano ang ating mapapala sa lupa?
Di tulad sa kabila kapiling ang lumikha.
Copyright © Grace Svensson
January 26,2018
This poem has not been translated into any other language yet.
I would like to translate this poem