Lantawa ang isdang nanagpanon
Sa malinaw, matin-awng dagat
Timailhan sa ilang panaghiusa
Panag-unong sa matag problema.
Tan-awa usab ang mga hulmigas
Sa mga gutling wala magwaldas
Kay kanunay silang nangandam
Sa uma-abot nga ting-ulan.
Ang mga tawo pa kayha dili madani?
Nga magmugna ug hini-usang pundok
Aron makab-ot ang mga damgo
Nga sa dughan dugay ng gitago.
Busa kitang linalang kinahanglan
Nga magmugna ug hiusang paglihok
Maghisgot, magtinabangay ug maghiusa
Aron ang matag pangandoy makab-ot ta.
This poem has not been translated into any other language yet.
I would like to translate this poem