Tera Saath Rehana Hai Mujhko Poem by Shrini Deewana

Jis pal tera saath rehana tha mujhko tum ne kaha mujhe jaane ko,
Jaane ko mera dil to nahin tha par majboor hua mein jaane ko,
Bure waqt mein tera saath rahoonga yehi to maine socha tha,
Par shayad mere man ka soch tere man ko nahin bhaaya tha.

Isiliye oh mere sanam tune mujhe apne se door kara diya,
Sukh dukh mein hum saaath rahenge aise ek khwaab maine sajaya tha,
Tere sukh mein to tune sanam har pal mujhko ek jagah diya,
Dukh mein karke door mujhe mere khwaabon ko tune tod diya.

Dard bahut hua mere dil mein par us se bhi badhkar thi khushi teri,
Tere ek khushi ke khaatir ai sanam seha loonga mein sau dard bhi,
Sanam tujhse bas itna kehana chaoon na tukhrana mujhe dard mein,
Khushi mein to tu sambhal jaayegi par aansoon nikalenge dard mein.

Tere aankhon mein ek boond bhi aansoon ki mein na dekh sakoon,
Tere aankhon mein aansoon dekhkar ai sanam mein bas tadap utoon,
Jab hogi dil mein dukh aur dard tab sahara ek tujhe bas chahiye,
Dil to karta hai sanam aise mauke mein bas sahara tera ban jaoon mein.

Is se badhkar kya maangoon mein tujhse ai mohabbat meri,
Mera jeevan to dooba hua tha dukh ke andheron mein kabhi,
Tune hi hai layee sanam saari khushiyan mere jeevan mein abhi,
Ek pal ke liye bhi tujhe gham mein dooba dekh na paoonga mein kabhi.

Door na karo khud se tum mujhko jab tum ghamon mein rehati ho,
Jab mere kandhe ki zaroorat hai tumhein tab door rehane tum kehati ho,
Tujhse bas ek dua mein maangoon gham mein saath ka mauka do,
Khushi mein to saari duniya hogi, gham mein mujhe tum mauka do.

Shrini 'Deewana'